病倒了

昨日，終於輪到我病倒了。喉嚨痛加上全身痛，相信這都是感冒的特徵。回家後，我都立即帶上口罩，免得得意妹受我感染。

她問：點解媽咪帶口罩既？
我答：媽咪唔舒服，病了，食完中藥就會好番無事啦！
她摸住我個肚說：係咪呢度唔舒服？
我答：係呀，有小小唔舒服囉。
她摸住我的肩膀說：媽咪呢度痛呀？(這是我常常會黐上止痛貼的地方)
我答：係呀，有點痛。
她便二話不說錫錫我的痛處。
我總會對她說：你真乖，知道媽咪病了，會錫住媽咪，我覺得好好多了！
今早，見我又帶上口罩便說：媽咪唔舒服，快些飲中藥先呀。飲左就好番，無事啦！

雖然飲的中藥的確好苦，但我想著她的貼心，中藥都變得甜甜的。相信擁有同理心的孩子，都一定是個好孩子！